Salihu: Nuk jam i interesuar për pension të Serbisë!

Boksieri më i madh shqiptar, fituesi i dikurshëm i Medaljes së Bronztë në Lojërat Olimpike dhe disaherë kampioni i ish-Jugosllavisë, Aziz Salihu, i ka thënë JO pensionit nga Serbia, dhe ka akuzuar mediat serbe për spekulim kinse ai ka kërkuar pension nga Serbia.“Jam i befasuar nga shkrimi i një gazete të Beogradit dhe dëshiroj të njoftoj se nuk kam biseduar me askënd në lidhje me pensionin sportiv nga Serbia”, ka thënë Aziz Salhiu për gazetën “Politika”, duke shtuar se të gjitha spekulimet do t’i demantojë në një konferencë speciale për gazetarë.

“Nuk kam lexuar atë që kanë shkruar, por mund t’u them se personalisht nuk kam bërë asnjë kërkesë për pension”.

“E kam një pasaportë të Serbisë të cilit moti i ka dal afati, ndërsa e shfrytëzoj pasaportën maqedonase për udhëtime dhe nuk kam asnjë problem. Nuk jam i interesuar për shtetësi serbe, sepse unë jetoj në Kosovë dhe në Maqedoni”.

“Nuk e di nëse do të pres që të kem pension, mirëpo nëse e kam merituar pensionin, atëherë atë duhet të ma jep Kosova, ose Maqedonia”, ka thënë legjenda e boksit shqiptar.